Heima er bezt :o)

Við erum komin heim í Lund eftir góða ferð til Póllands og Þýskalands. Búin að fá líklega síðustu gestina í sumar og allt orðið venjulegt aftur. Eftir að H+G+M fóru komu amma, pabbi og systir Júlla í 2 nætur. Það er rétt tæpur mánuður þangað til við mætum á skerið og ég verð nú að viðurkenna að ég hlakka mikið til að knúsa alla :o)
Ferðin okkar var alveg frábært og ég verð eiginlega að hrósa Pólverjunum fyrir góðan mat. Það skipti engu máli hvar við borðuðum, við vorum alltaf í rosalega ánægð. Við lentum óvænt á einhverri að við höldum hafnarhátíð í Szczecin. Þar voru tívolítæki, básar með nammi og mat, candyfloss, handverkslistamenn að búa til hluti og selja og margt fleira.
Svo rúlluðum við yfir til Lübeck og það var líka mjög gaman. Fórum í siglingu um kanalinn með guide, sem við skildum ekki reyndar :o) og gengum um bæinn, fórum pínu í búðir, borðuðum svínakjöt og sauerkraut og höfðum það nice.
Nú erum við komin heim og það er voða gott. Litli kúturinn minn sagði frekar oft í þessari ferð, þó hann hafi nú alveg skemmt sér vel: "ég vil fara heim til Lundar".
Bumbugaurinn stækkar og styrkist greinilega. Maginn gengur í bylgjum og hann er strax farinn að sparka í rifbeinin á mér. Á morgun eru komnar 26 vikur og bara 14 eftir en hann ætlar að vera stundvís :o)

Ferðalag á morgun!

Nú er farið að rigna í Lundi og það er ágætt. Grasið var orðið svo þurrt og Júlli að kafna úr ofnæmi. Síðustu helgi fórum við samt með vinum í dýragarðinn í Köben og það var mjög heitt og sól. Við skemmtum okkur rosalega vel, þrátt fyrir vonbrigði með að flóðhestahúsið væri lokað. Það er nefnilega dáldið merkilegt, en Kári er með æði fyrir flóðhestum. :o)
Begga og Helgi eignuðust yndislegan dreng á mánudaginn, sem við Kári fórum og mátuðum í gær. Það er ekki laust við að maður sé smá spenntur að fá sinn litla unga í fangið. En samt fínt að hafa þessar vikur til að undirbúa og pæla í nöfnum og líka bara venjast tilhugsuninni að verða bráðum 3ja barna móðir og faðir.Við erum ekki búin að undirbúa eða kaupa neitt fyrir ungann, en það fer að koma.
Á morgun leggjum við í'ann. Í fyrramálið fer ég í mæðraskoðun, Þórdís á skólaslit í skólanum og svo bara eftir það rúllum við út úr bænum. Því miður þurfum við að sleppa kaffiboðinu í leikskólanum.
Lundur er svo skemmtilega staðsettur að það tekur okkur ekki nema 6 og hálfan tíma að koma til 4 landa. Keyrum frá Svíþjóð til Danmerkur, siglum frá Danmörku til Þýskalands og keyrum svo yfir til Póllands.

Sumarið er komið!

Við fórum til Liseberg í Gautaborg um síðustu helgi. Liseberg er rosalega flott tívolí. Við leigðum lítið hús í Lisebergbyen og vorum allan laugardaginn í garðinum. Það var alveg æðislegt.
Á sunnudeginum fórum við svo í miðbæ Gautaborgar. Virkilega skemmtileg borg, sem við ætlum að heimsækja bráðum aftur. Þó við hefðum verið á sunnudegi iðaði allt af lífi og opið í flestum búðum.

Annars er allt gott að frétta af okkur. Minnsti unginn okkar stækkar og mamman með og auðvitað stækka þau stærri líka. Fólk fær svona smá sjokk þegar það kemur í heimsókn, Þórdís orðin næstum unglingur :o| og Kári svo stór og duglegur. Auðvitað orðinn altalandi á sænsku eins og systir hans.
Skólinn er búinn hjá mér og núna er ég komin í verkefnið mitt, sem er frekar erfitt að byrja á því hérna er búið að vera rosalega gott veður síðustu vikur, 25-30°C og sól. Í dag var reyndar bara rúmlega 20°C og það er sko bara æði að fá svona "kalda" daga inn á milli ;o)
Eftir rúma viku, 13. júní, eru skólaslit hjá Þórdísi og þá ætlum við að fara í ferðalag. Siglum fyrst til Þýskalands frá Danmörku og keyrum frá Rostock til Szczecin í Póllandi. Erum búin að panta hótel í 3 nætur aðeins fyrir utan miðbæinn og ætlum að skoða okkur aðeins um þar. Svo ætlum við að keyra til Lübeck í Þýskalandi og hitta vini, Hófí, Gunna og Márus. Við ætlum að vera í Lübeck að dunda okkur, gista þar í 2 nætur og keyra svo heim til Lundar og sýna þeim hvar við búum.
Um næstu helgi ætlum við til Köben í dýragarð með vinum okkar. Svona er lífið yndislegt hérna í Lundi. :o)