Linkarnir hérna fyrir neðan eru til að koma litlu búðinni okkar á framfæri (dubbi.se) :)

Síðustu vikurnar eru búnar að vera kaldar hérna í Lundi. Nú erum við farin að bíða eftir vorinu.
Ég fór í próf 10. janúar sem er síðasta prófið sem ég á eftir í LTH. Vonandi kemur það vel út, en annars ætti ég að geta tekið það fljótlega aftur. Kári byrjaði á sundnámskeiði og finnst æðislega gaman. Hann er næstum orðinn syndur. Þórdís er að fara að byrja í Hiphop dansi með Silju vinkonu sinni. Svo er hún á fullu á sellóinu og í skólanum er hún í dansi líka.
Júlli hætti í skólanum fyrir jól. Hann var kominn með hundleið á náminu og ætlar að finna sér einhverja góða vinnu sem hann getur helst unnið heima. Hann hefur verið að taka að sér verkefni fyrir Maritech.
Verkefnið mitt heldur áfram. Ég er reyndar orðin þreytt á skólanum líka. En nú er orðið svo lítið eftir að það er bara að spíta í lófana og rumpa þessu af :)

Það er búið að plana sumarfrí að einhverjum hluta. Förum til Íslands 30. júní, svo til Toronto í Kanada 6. júlí, aftur til Íslands 18. júlí og svo heim til Lundar 31. júlí. Kristján og Elín ætla að bjóða okkur og Sögu, Helga, Siggu og Stínu ömmu og Helga afa.

Babyportalen.se - Barnkläder & butiker på webben

fashionguide.se

barnkläder på quizilla

Sajtregistret

Snabblänkar - Startsida och nyhetsportal

Snabblänkar - Startsida och nyhetsportal

SvenskaSajter.com - Den ständigt växande länkkatalogen

Barnklader.com - Barnkläder På Nätet


svenskasidor.se

Snabblänkar - Startsida och nyhetsportal

Julen är här!

Við erum búin að eiga frábær jól. Á Þorláksmessu fórum við í skötuveislu til Ömma og Birnu. Þau eru með ömmur og afa í heimsókn(Gunnu og Gilla og Elínu og Danna og Ingibjörgu systur Ömma og Kærasta hennar), svo það var fjölmennt. Gunna kom með skötu að heiman, saltfisk og hamsa.

Á aðfangadag komu jólasveinar í heimsókn og svo fórum við í jólagraut til Hauks og Heiðrúnar. Malena fékk möndluna. Við borðuðum svo frábæran mat, humartartalettur og önd. Það voru alveg fullt af pökkum undir trénu og í þeim var margt fínt og fallegt. Við fengum okkur ekki jólaísinn fyrr en Styrmir var farinn að sofa. Júlli sofnaði í sófanum, enda búinn að standa í eldhúsinu í marga tíma að undirbúa matinn.

Á jóladag vorum við svo með hið árlega jólasushi. Einstaklega gott að fá sér eitthvað svona létt og krakkarnir vildu grjónagraut sem ég gerði aðeins jólalegri með kanel og möndlum. Styrmir hakkaði reyndar í sig sushi.

Annan í jólum fórum við til Hjalta og Bjargar og við vorum með skandinavískt jólaborð. Þar var meðal annars önd, reyktur makríll, síld, heit lifrakæfa með sveppum og beikoni og ostar.

Þriðja í jólum fórum við til Guðbergs og Grétu í hádeginu og við fengum jólaafganga, skinku, hangikjöt og allskonar.

Óli Hrafn, Sirrý, Þórdís(stelpan þeirra) og Sólveig systir Óla komu svo til okkar í gær og ætla að vera fram yfir áramót. Óli og Júlli bökuðu pizzur í gær og svo spiluðum við Ticket to ride eftir matinn. Í kvöld gerðu þeir svo rosalegan indverskan mat, þrjá rétti og allt meððí. Sirrý var orðin þreytt eftir bæjarrölt dagsins, kasólétt, svo við ákváðum öll bara að fara snemma að sofa og vera hress á morgun. Þau eru í Ívars og Söndru íbúð.

5 dagar til jóla.

Í dag er 4. í aðventu. Júlli fór til Þýskalands að fylla á vínsrekkann og fleira fyrir jólin. Á fimmtudaginn fórum við í jólatívolí í Köben með Siggu Birnu. Það var alveg frábært. Kári og Þórdís fengu turpass til að komast í tækin. Til að Styrmir fengi að komast í hringeggjur þurfti Þórdís að þykjast vera 14 ára og það tókst. Kári sem er ekki alveg orðinn 120 cm þurfti líka að ganga á tánum til að komast í nokkur tæki, eins og td. rússíbanann, sem þú fóru nokkrum sinnum í :)

Við vorum því með 14 ára stelpu, strák sem er 120 cm og einn 2ja ára. Kári hafði smá áhyggjur af því að fá kartöflu í skóinn ;)

Eftir Tívolí fórum við á ítalskan pizzastað og tókum með pizzur heim til Siggu Birnu, sem býr bara alveg niðri í bæ. Við vorum komin heim seint og öll börnin sofnuðu á leiðinni og ég líka(aumingja Júlli).

Þórdís byrjaði í jólafríi á föstudaginn, en strákarnir verða á leikskólanum til 22. des. Það er fallegur jólasnjór yfir öllu og við erum farin að hlakka til jólanna.

Við vorum búin að leita að önd hérna í Svíþjóð án árangur svo við skruppum í Nettó í DK og keyptum eina flotta, franska.

Mamma kom með humar frá Íslandi í október. Í jólama

tinn verður eins og venjulega humartartalettur í forrétt, önd í aðalrétt og svo einhver góður jólaís í

eftir rétt.

Óli Hrafn og Sirrý koma frá Gautaborg og ætla að vera með okkur um ára

mótin og við erum búin að kaupa vænan kalkún. Allt er því klárt, fyrir utan jólagjafirnir, en það reddast

örugglega korteríjól :)

Kári missti 3 efri framtönnina áðan og er ansi ófrýnilegur ;)