Gott í Lundi :o)

Nú erum við búin að vera sameinuð fjölskyldan í 2 vikur. Fengum íbúðina okkar á Kämnärsvägen 11P 1. febrúar og erum búin að vera að koma okkur fyrir. Fyrstu dagana vorum við með dýnur og sængur í láni, ferðarúm fyrir Kára og dýnu fyrir Þórdísi, eitt eldhúsborð og lánaða stóla og sjónvarp.
Svo fengum við dótið okkar, fórum í Ikea og það er bara að verða mjög kósí hjá okkur.
Kári er ekki byrjaður á leikskóla, svo við erum hérna heima með hann og reynum að læra og vinna, sem gengur oft erfiðlega þó Kári sé alltaf svo góður. Hann vill bara alltaf láta lesa fyrir sig, syngja eða bara knúsa sig. Við erum farin að hlakka mikið til að hann komist á leikskólann, Sagostunden. Allir sem eru með börnin sín þar eru rosalega ánægðir.
Þórdísi gengur mjög vel í skólanum. Skilur allt held ég og reynir að tala eitthvað. Hún er búin að fá hjól og hjólar út um allt.
Okkur líkar rosalega vel við Lund og Svía og svo auðvitað Íslendingana hérna úti. Vorum að tala um það áðan að maður skyldi alveg hvers vegna fólk festist úti í útlöndum. Það er allt svo rólegt hérna, engar áhyggjur og stress.
Svo hjólar maður allt eða tekur strætó, ódýrt að kaupa í matinn og föt.