Óheppin?

Í morgun átti ég að fara í endajaxlatöku, eftir að vera búin að fresta því í 2-3 ár held ég. Síðast þegar ég mætti var tannsi því miður nýbúin að fá inn til sín neyðartilvik og gat því ekki tekið mig. Jæja þetta var fyrir 2 árum held ég og ég frestaði því alltaf að panta tíma. Loksins gerði ég það og mætti stundvíslega í morgun kl. 8. En þá hafði hann verið búin að reyna að ná í mig til að láta mig vita að hann væri búinn að týna gleraugunum sínum og gæti ekki tekið jaxlinn núna.... Hverjar eru líkurnar?

Jæja að annarri óheppni. Fyrir nokkrum mánuðum bilaði þvottavélin okkar. Tromlan eða belgurinn var ónýtur og þurfti að skipta um. Svo ekki svo löngu seinna fór mótorinn og þurfi að skipta um hann. Já og við borguðum um 45 þús krónur í heildina, þar sem okkur fannst líklegt að þegar væri búin að skipta um allt í henni, yrði hún eins og ný og þetta er góð tegund, sem átti mörg ár eftir að mati viðgerðarmannanna. Í gær byrjuðu að heyrast rosalega hljóð úr þvottahúsinu og læti og þegar hún var hætt opnuðum við hana og tókum út úr henni... og við blasti ekki beint fögur sjón. Slatti af fötunum var rifinn og tættur og tromlan(held hún heiti það) var bara rifin. Stálið inni í vélinni! Rifið! Hvernig er þetta hægt? Það láku ekki fá tár, þar sem uppáhaldsbolir rifnuðu í tætlur.

Ég held það sé komin ágæt ástæða til að kaupa sér nýja vél, bara spurning um hvort tryggingarnar borgi þetta. Það er ekki langt síðan við splæstum í allan pakkann í tryggingunum ;o)
Heppin....