Það er orðið fínt hjá okkur :o)

Maður er orðinn svo lélegur þessu bloggstússi. Allt gott að frétta af okkur. Síðan síðast erum við búin að fá okkur sófa, sófaborð, sjónvarp, heimabíó og safapressu. Allt mjög þarft. Safapressan hefur verið notuð á hverjum degi síðan við fengum hana og það eru gerðir safar úr alls konar grænmeti og ávöxtum sem krakkarnir eru

Það er ekkert smá ljúft að vera loksins komin með huggulega stofu sem er gott að kúra í.

Síðustu helgi komu Stebbi og Sóley til okkar. Það var mjög gaman að fá þau í heimsókn. Þau fengu fínt veður og við grilluðum auðvitað og fengum okkur rauðvín og bjór. Sýndum þeim Lund og Malmö og auðvitað búðirnar :o)

Í síðustu viku bjuggum við Júlli til Sushi í fyrsta sinn. Fórum í svo skemmtilegt Eurovision/kosningapartý þar sem var svo gott sushi í boði að það varð til þess að við ákváðum að prófa sjálf. Það heppnaðist rosalega vel og við ætlum sko að gera svona fljótlega aftur, kannski öðruvísi týpu líka. Gerðum sushi með krabba, gúrku og avokado .. slurk! Á myndinni er Júlli að skera Sushi og Kári að horfa á lest í tölvunni. Stofan okkar er enn þá tóm þarna.

Við erum líka búin að splæsa í risa trambólín með nokkum fjölskyldum hérna. Margir orðnir rosa góðir, farnir að fara í þreföld flikkflökk og svona ég hef nú bara prófað að hoppa einu sinni og engar kúnstir. Held ég leggi ekki í að fara að eyðileggja bakið mitt enn meira.

Í dag eru bara 5 dagar þangað til að Júlli minn kemst í frí og þá getumvið farið að gera eitthvað skemmtilegt. Hann ætlar að vera í fríi allan júní og örugglega meira. Svo eru bara 10 dagar þangað til við fljúgum til Rómar. Sumarið verður æði! Endilega skoðið nýju myndirnar þó myndavélin okkar sé að syngja sitt síðasta.

Sumarið er komið :o)

Við erum flutt á Kämnärsvägen 9M núna. Næsta hús og á 3. hæð. Það er frábært! Íbúðin er reyndar ekki alveg jafn fín, ljót málning á skápum og fullt af holum eftir nagla, en það er hægt að redda því. Júlli er komin með langþráð vinnuherbergi og það er mjög rólegt og gott að vera á 3. hæð. Það er búið að vera æðislegt veður í síðustu viku, glampandi sól og hlýtt. Krakkarnir fóru í tvö sundlaugapartý í gær og allir vel rauðir eftir daginn, sérstaklega ég. Náði aðeins að brenna á ristunum! og öxlunum. Svo var auðvitað grillað. Núna er hins vegar bara lítil sól og kaldara og ég er fegin að fá að jafna mig á sólinni. Júlli fór til Hollands að vinna í gær og kemur ekki heim fyrr en seint á föstudag. Svo óheppilega vildi til að þetta er síðasta vikan í verkefni í skólanum og ég veit ekki alveg hvernig ég redda þessu. Vona að kynningin verði ekki á föstudaginn eins og planið er. Við Kári erum heima núna, hann er að leggja sig og ég að ryksuga(eða Rúmba ;o)).
Verð að fá að pirra mig smá. Helv. þvottavélin hérna eyðilagði föt fyrir okkur í dag. Kjóll sem ég er nýbúin að kaupa handa Dísu, hvít hettupeysa af mér og eitthvað fleira kom blettótt út úr vélinni og fór sko ekki þannig inn. Sama hvað ég er búin að hamast á þessu með blettaeyði fer þetta ekki úr! Spurning um að kaupa sér bara þvottavél.
Við vorum búin að ákveða að fara til Gautaborgar um næstu helgi, en það gekk víst ekki upp. Verðum bara hérna heima í Eurovisionpartýi í staðinn. Það er innan við mánuður í Ítalíuferðina okkar og tæpar 2 vikur í að Stebbi og Sóley heimsæki okkur.
Ætla núna að fara og baka möffins fyrir krúttin mín.