Gaman í Lundi

Ohh það er ekkert smá ljúft að búa í Lundi þessa dagana. Við Kári erum mikið úti á daginn, ég rétt fer aðeins í skólann og Kári inn að lúlla, annars erum við bara úti að leika. Í dag vorum við að leika við Klöru og Kollu og svo kom Júlli út og við náðum í badmintonspaðana og lékum okkur. Svo fórum við í grill á Fimmunni til Ámunda og Ástu og það voru næstum allir að grilla sér steikur, hamborgara, pylsur og grænmeti. Krakkarnir voru svo bara að leika á meðan og rétt stoppuðu til að fá sér smá að borða. Í gær grilluðum við líka eftir að íslendingafótboltaliðið var að keppa(og vinna), rétt áður en við stelpurnar fórum í badminton. Það er svo gaman í badminton! Hef ekki komist með síðan fyrir páska.
Á morgun fáum við kannski lyklana að íbúðinni okkar á Níunni (kämnärsvägen 9) af því að gaurarnir sem búa þar núna ætla að vera búnir að skila lyklunum fyrir helgi. Það væri svo frábært, þá getum við flutt inn um helgina, en þurfum ekki að bíða fram á miðvikudag, því 1. maí er frídagur og 30. apríl er Valborgarmessa og þá vilja þeir víst líka vera í fríi.
Saga kemur til okkar á laugardaginn og ætlar að vera fram á sunnudag. Þá er víst spáð bongóblíðu, eins og er búið að vera í dag. Í dag voru 22°C og heiðskýrt!
Ég setti inn slatta af myndum. Frá ferð um síðustu helgi til Köben í dýragarðinn og Strikinu og frá því að Malla og Ari voru hjá okkur og við fórum á kafbáta-, lesta- og flugvélasafnið í Malmö (Sjöfart museet).

Komin heim.

Jæja þá er fjölskyldan komin heim til sín eftir fínar 2 vikur á Íslandi. Það var ósköp gott að sjá alla, fjölskyldu og vini. Erfitt að kveðja. Fengum mjög oft fisk og lambakjöt. Eitthvað sem maður borðar næstum aldrei hérna úti. Gott að koma heim samt.
Júlli var veikur þegar Peter, Bjorn and John spiluðu svo ég tók Betu með mér. Við fórum og hittum URBlingana hans Júlla á Þremur Frökkum og fengum okkur fisk. Ég fékk mér smálúðu með humar og humarsósu, namminamm.
Flugið heim var svo kl. 7.15 næsta morgun, svo við vorum komin á fætur kl.tæplega 4. Ég var búin að sofa ca 1 og hálfan tíma. Við erum búin að ákveða að fara ekki aftur með Icelandexpress. Flugvélin var bara vond og svo er náttúrulega ekkert fyrir börnin, enginn matur eða neitt. Voru frekar erfiðir 3 tímar. Við sváfum samt mest allan tímann.

Nú erum við komin heim í sól og 23°C :oD