Stokkhólmur

Helgin var mjög góð, þó reyndar hafi farið aðeins of mikill tími í keyrslu.
Vorum komin frekar seint til Stokkhólms á föstudaginn eftir að hafa farið vitlausa leið. Tókum sem sagt ekki hraðbrautina heldur þjóðveg meðfram austurströndinni. Það var reyndar bara skemmtilegt og við sáum margt fallegt og munum örugglega fara aftur þegar við höfum tíma til að stoppa og skoða okkur um. Gustaf var svo góður að keyra okkur á tónleikana svo við náðum alla vega 45 mín af þeim. Heyrði að fyrri helmingurinn hefði ekki verið svo góður þannig að við erum bara alsæl :) Arcade Fire átti víst líka að spila í Kaupmannahöfn, en þeim tónleikum var aflýst vegna þess að söngvarinn var veikur, held ég. Þeim vorum sem sagt alveg frábærir eins og við bjuggumst við. Eftir tónleikana röltum við svo í bæinn og fengum okkur pizzu. Fengum smá sjokk því þetta er svo risastórt allt. Svo fékk maður smá hroll á lestarstöðinni þegar löggann var að skipta sér af einhverju liði :oS
Þegar við komum heim voru krakkarnir í svaka stuði enn þá. Dagný var svo góð að passa þau á meðan við vorum á tónleikunum. Svo sofnuðum við öll einhvern tímann stuttu seinna.
Krakkarnir vöknuðu fyrir allar aldir og enginn leið að kúra lengur. Íbúðin er svo lítil að það er ekki hægt að setja þau inn í annað herbergi ;o) Þetta var líka svo fínt, því við vorum komin snemma í bæinn. Fórum auðvitað smá í H&M og á markað og svo fórum við í Gamla Stan. Rosalega fallegt og gaman að koma þangað. Settumst á rosalega sætt kaffihús, Kaffekoppen, sem er í kjallara á gömlu húsi. Allt lýst upp með kertaljósum.
Um kvöldið fórum við svo á grískan veitingastað þar sem við hittum fullt af fólki sem var á leiðinni á Damien Rice um kvöldið. Kári sofnaði ekki neitt og var orðinn voða þreyttur þegar við fórum heim. Hann sofnaði alveg um leið og við komum heim. Við lögðum svo að stað snemma næsta morgun. Leiðin heim tók mun styttri tíma.
Takk Dagný fyrir að leyfa okkur að koma. Það er ekket smá mál að fá svona 4ra manna fjölskyldu í heimsókn! :o)
Þegar við komum heim var æðislegt veður, allir úti að grilla, en við fórum og hittum tengdó á veitingastað í bænum. Gott að koma heim í litla Lund, en eigum örugglega eftir að koma aftur í stórborgina og skoða meira :oD

Förra veckoslut og den nästa

Við erum búin að fá fyrstu gestina okkar, Óttar, Stínu og Júlíus Örn á kjammann og það gekk bara vel. Við Júlli sváfum í stofunni og leyfðum gestunum að vera í okkar herbergi.

Við fórum á föstudagskvöldinu með þeim út að borða á Stäket, sem er steikhús í bænum. Svo fórum við heim og komum ungviðunum í háttinn og drukkum fullt af rauðvíni, bjór og sænskan snafs og spiluðum Trivial. Á laugardaginn fórum við svo til Malmö. Settumst á útikaffihús í góða en kalda veðrinu og svo var farið í H&M og einhverjar örfáar búðir. T'okum lest þangað og það fannst Kára svo gaman, held hann hafi lestardellu pabba síns því hann hefur ekki talað um annað síðan þá ;o). Laugardagskvöld vorum við heima og bökuðum pizzu. Við entumst nú ekki lengi þetta kvöld enda allir orðnir vel sólaðir og þreyttir eftir ferðalagið. Á sunnudaginn fórum við og skoðuðum dómkikjuna, fengum okkur hádegismat á Expressohouse og svo í NovaLund. Þar var meiri peningum eytt ;o) Rosalega fín helgi. Verður gott að fá stærri íbúð samt. Ég setti inn myndir frá helginni á myndasíðuna.

Ég klippti fallegu ljósu lokkana hans Kára í gær. Hann var orðinn svo síðhærður, tímdi því samt varla. En hann er eins og nokkrum mánuðum eldri núna. Enn þá fallegasti strákur í heimi auðvitað!

Við fórum í skólann í dag og töluðum við kennarana hennar Þórdísar í annað skiptið um hvernig henni gengi og liði í skólanum. Þremur vikum seinna er hún orðin rosalega dugleg að tala og gengur rosalega vel.

Yndilegar konurnar sem eru umsjónarkennararnir hennar.

Eitt annað merkilegt.. við Júlli töluðum ensku fyrir 3 vikum en sænsku (mestan part amk) núna :oD

Við fjölskyldan erum svo að fara til Dagnýjar skvísu í Stokkhólmi á föstudaginn. Verður gaman að sjá þau Gustaf og fæðingarbæinn minn ;o). Svo erum við Júlli að fara á Arcade Fire tónleika. Ætlum svo í hópútaðborðaferð með nokkrum Stokkhólmurum. Verður æðislegt að fara í smá ferðalag. Svo er Íslandsferðin okkar bara eftir eina og hálfa viku. Hlakka svo til að hitta alla!

Rosaleg dagskrá næstu mánuði :oD

Nóg að gera þessa dagana. Á morgun fer ég í fyrsta prófið mitt hérna úti og það eina á þessari önn, sem er að klárast í næstu viku. Á miðvikudag þarf ég að skila verkefni þar sem ég á að hljóðhanna sal í skólanum og svo halda fyrirlestur um verkefnið á föstudaginn. Ég er svo mikill lúði að ég kom mér ekki í neinn hóp og er því bara ein með þetta verkefni.
Svo í næstu viku klárum verkefnið í hinu faginu. Komst í hóp þar, bara af því að ég er ekki eini íslendingurinn. :oP
23. mars förum við svo í heimsókn til Dagnýjar og Gustafs í Stokkhólmi og á tónleika með Arcade Fire. Einhvern tímann um þetta leyti koma svo Óttar, Stína og Júlíus í heimsókn til okkar. Það er víst von á tengdapabba líka, en ég veit ekki alveg hvenær.
1. apríl förum við svo í páskafrí til Íslands og förum á tónleika 13. apríl þar með Peter, Bjorn and John. Pínu fyndið að fara til Íslands og sjá sænska hljómsveit þar :o)
Svo förum við heim aftur 14. apríl.
15. apríl er Malla fimleikaskvísa að fara að keppa í Stokkhólmi og ætlar líklega að koma og heimsækja okkur Lundarfólkið eftir það :o)
23. apríl ætlum við svo á tónleika með Midlake í Malmö.
1. maí flytjum við í stærri íbúð hérna í næsta húsi.
12. maí er víst maraþon í Gautaborg og Júlli er að spá í að hlaupa. Mig langar reyndar svolítið líka, en ekki víst að ég geti komið mér í svoleiðis form. Svo þarf víst einhver að vera með blessuð börnin. ;o) Væri amk gaman að skoða borgina og svona. Svo er náttúrulega Eurovision líka, svo maður verður að vera í góðum hópi Íslendinga og halda með Eika Hauks!
Í lok maí ætla Inga Rut, Einar og Hanna Björg að koma til okkar.
5. júní ætlum við svo að hitta Hófí, Gunna og Márus á Ítalíu :o)
Svo búumst við auðvitað við stanslausum straumi af vinum og fjölskyldu sem heimsækja okkur í sumar.